YY太又話:「我好鼓舞的是一個月入只是8千多的80後, 一直看我分享月供的文章及計算之例子俾他, 一直儲錢加碼, 今天己供了三年(我2007年開始知道您的網誌). 現已供了七萬多元本, 他計回報及利息, 都跑贏銀行及通脹(我忘了%, 但成績ok). 他自己計過, 放定期好像只有幾百元, 但單是去年收息己過一千。初初他一個人供, 之後他媽媽開始供, 去年女友都供一份, 來年他加了人工, 會再儲多500元. 目標是2年內, 加埋女友的一份, 加上少少父母支持, 用女友大機構之九成按計劃, 買一個3、4百呎之市區港鐵上車盤. (200萬內).他看了您文章, 同意延遲享受消費, 買到樓後會先出租俾人, 兩小口住自己家, 租金收入, 再補些, 供多2, 3 年, 當是一個共同投資, 過幾年, 年紀大些要結婚, 就有自己的家 (當然我提醒了他們有關分手之可能及業權清楚之需要)。我己教了他, 要試埋加息幾厘之壓力測試.他們有目標,有行動, 比一般80後像優勝.陸sir 及您家人犧牲寶貴時間, 真的幫到人, 及改變了人的命運. 70, 80後, 大學生,與其埋怨社會, 不如自我增值, 自強不息。感謝您.。」
老實講我好多年前見到月供呢個方法時，心諗呢個係乜嘢笨方法，每月定時買，買入唔睇時機，選擇股票又唔靈活，又要俾手續費銀行，點解唔自己選股呢? 但後來和散戶接觸得多了，才慢慢發現，
笨方法可能係最簡單易學有效的方法。
好多人以為自己買股唔得係眼光唔好睇錯市，又或者信錯人消息唔準，所以只要自己聰明啲醒目啲選股精明啲，就可以一矢中的，買親股都發達。呢啲係典型的散戶，佢地想以小博大，理由好簡單，就係本金太少，唔能夠唔博。所以有少少係焗賭的意味。
我分析散戶的情況後發現，如何選中好股這類問題，等如大學生的問題，但佢地其實面對緊小學生的問題，先要改變態度。首先係要減少不必要的消費，增加儲蓄投資。以YY太講的年青人計，月入8000元，3年都可以儲到7萬幾，估計每月要供1000多、2000元。無個月供計劃逼佢定期供，呢2000元一定唔知點解唔見咗，淨係買部iPhone都唔見幾千，都唔好講話出一期換一期新款啦。所以第一步要儲番啲錢，若果餐搵餐食餐餐清，成副成家得1、2萬，話錢少又焗住去瞓身博大霧，結果又輸，呢啲就係「窮根」。
第二係唔好全部錢攞去投機。大家都知我唔反對投機，我自己都有投機，但主要係當興趣來玩吓，研究吓不同的投機方法，但我反對瞓身投機。散戶由於一世都錢少，所以經常要投機，投機又經常輸錢，所以就無錢剩。如網友新亨記所謂，佢投機唔見咗10萬，不如花5萬 裝身好過，咁比較又啱，起碼可以當裝身也是一種吸引異性的投資，裝完個身靚咗，好過輸哂，但更重要問題係唔輸。將大部份買股票的金錢，放在投資而非投機 上，是絕大多數功夫唔好的散戶保命之法，而月供就係逼自己投資的方法，差不多盲目咁供下去，好少要作選擇，而且月供供大股，甚至供指數基金，更係無得投 機。
所以我的結論係月供雖然笨，但若果你過去買股損手爛腳，何妨將較多資金攞去月供。其餘資金可以小試牛刀，自己選股投資也好，投機也好，練就較好的技巧時，練好工夫下山時，才放棄笨方法也不遲。呢個又係龜兔賽跑的老生常談，你點都估唔到，有時龜可以跑贏兔 。以賭為例，一個普通打工仔，一個月賭馬賭波平均輸2000元，一年輸2.4萬，20年下來，表面睇累積輸48萬，如果你用呢啲錢去合理投資，1年有10%回報，20年每年投入2.4萬新錢，複式增長，都可以有151萬，151萬呀老友! 仲未計你加人工賭多啲會輸多啲，所以有時笨笨地都得.
後記:
大部的人都以為自己好醒, 醒過「劉醒」. 我自問係一個「笨人」.
老實講我好多年前見到月供呢個方法時，心諗呢個係乜嘢笨方法，每月定時買，買入唔睇時機，選擇股票又唔靈活，又要俾手續費銀行，點解唔自己選股呢? 但後來和散戶接觸得多了，才慢慢發現，
笨方法可能係最簡單易學有效的方法。
好多人以為自己買股唔得係眼光唔好睇錯市，又或者信錯人消息唔準，所以只要自己聰明啲醒目啲選股精明啲，就可以一矢中的，買親股都發達。呢啲係典型的散戶，佢地想以小博大，理由好簡單，就係本金太少，唔能夠唔博。所以有少少係焗賭的意味。
我分析散戶的情況後發現，如何選中好股這類問題，等如大學生的問題，但佢地其實面對緊小學生的問題，先要改變態度。首先係要減少不必要的消費，增加儲蓄投資。以YY太講的年青人計，月入8000元，3年都可以儲到7萬幾，估計每月要供1000多、2000元。無個月供計劃逼佢定期供，呢2000元一定唔知點解唔見咗，淨係買部iPhone都唔見幾千，都唔好講話出一期換一期新款啦。所以第一步要儲番啲錢，若果餐搵餐食餐餐清，成副成家得1、2萬，話錢少又焗住去瞓身博大霧，結果又輸，呢啲就係「窮根」。
第二係唔好全部錢攞去投機。大家都知我唔反對投機，我自己都有投機，但主要係當興趣來玩吓，研究吓不同的投機方法，但我反對瞓身投機。散戶由於一世都錢少，所以經常要投機，投機又經常輸錢，所以就無錢剩。如網友新亨記所謂，佢投機唔見咗10萬，不如花5萬 裝身好過，咁比較又啱，起碼可以當裝身也是一種吸引異性的投資，裝完個身靚咗，好過輸哂，但更重要問題係唔輸。將大部份買股票的金錢，放在投資而非投機 上，是絕大多數功夫唔好的散戶保命之法，而月供就係逼自己投資的方法，差不多盲目咁供下去，好少要作選擇，而且月供供大股，甚至供指數基金，更係無得投 機。
所以我的結論係月供雖然笨，但若果你過去買股損手爛腳，何妨將較多資金攞去月供。其餘資金可以小試牛刀，自己選股投資也好，投機也好，練就較好的技巧時，練好工夫下山時，才放棄笨方法也不遲。呢個又係龜兔賽跑的老生常談，你點都估唔到，有時龜可以跑贏兔 。以賭為例，一個普通打工仔，一個月賭馬賭波平均輸2000元，一年輸2.4萬，20年下來，表面睇累積輸48萬，如果你用呢啲錢去合理投資，1年有10%回報，20年每年投入2.4萬新錢，複式增長，都可以有151萬，151萬呀老友! 仲未計你加人工賭多啲會輸多啲，所以有時笨笨地都得.
後記:
大部的人都以為自己好醒, 醒過「劉醒」. 我自問係一個「笨人」.
沒有留言:
張貼留言