古惑的銀行人民幣定存

有讀者說:

花旗要港紙轉才有3.5厘，而且佢無人民幣本票或支票

*****

依家的銀行好古惑，玩「縮」。

即係話銀行強硬賺中間買賣差價，

投資者唔能夠用以前平價買入的人民幣造定存，

扣埋實際 2.8 厘都唔知有冇。

另外，只能用新資金，完左定期日後不能續定存，必需要新資金，

即係銀行唔俾你玩「複息」，唔俾繼續用本金再加利息再續定存，

而家的銀行好古惑。

用你即嘅錢借俾人收貴息，然後俾好少息你，

銀行打開門口做生意賺息差本來都好正常，

但係銀行亦唔俾你續定存賺「複息」就好大問題,

搞到投資者完左定期，然後要將人民幣搬去第間銀行,

好似螞蟻搬家，費事失事。

在5年前，瘋子已經知呢間花x銀行食水深，職員服務態度很差，

好似你放咁少錢唔願做咁，

仲有恆x銀行都唔係好得去邊。

所以大家造人民幣定存之前必需打聽清楚,

好多時銀行門口寫嘅好似好高息,

入去問職員時就話冇咁高， 一係附帶條款多多。

後記:

記得很多年前，在某銀行造澳幣高息定存，

而當時大約有 5 厘，紐西蘭幣仲會高啲,

而且續存時會連本金加埋利息一路滾存，

如果持之以恆，複息效應都幾強,

今時澳洲經濟低迷，銀行只有2厘幾息 

同埋現在好多銀行做定期都唔在續期  

就算續都係計「平息」，銀行真係「精一邊」。