基金投資

瘋子對基金投資沒有興趣；

雖然我的人壽保險其中有一部份是儲蓄保險,

因為每月1000元當中，有3百幾是儲蓄保險

而儲蓄保險入面其中就是買基金投資。

大約7至8年前未投資股票時就是買基金,

之後個幾年又剛好是金融海嘯，基金回報大部份都是蝕錢,

結果忍不住出售，仲要俾回贖費，

基金買賣有好多費用, 啲芬佬幫你買基金要認購費,

有些基金如果個年賺錢表現好要收表現費,

好似芬佬想話俾投資者知，哪我幫你賺錢所以要收佣金,

蝕錢時又唔見你退錢俾返投資者,

跟住每年仲要收管理費，其實我又唔明芬佬年年幫我蝕錢,

仲要俾錢芬佬攞投資者的錢去投資，賺嘅就收錢,

蝕嘅就係投資者的錢，就好似「強積金」咁

退休時等呢筆錢就真係死得。

聽講芬佬會在投資者的基金投資抽取 5 巴仙佣金,

啲芬佬推銷基金時都會用平均9巴仙投資回報作為例子,

好老實， 基金回報有3巴仙可以抗通漲你都偷笑啦,

因為基金回報好多時都俾收費侵蝕左。

投資股票都有股息收，即是有被動收入或現金流,

基金就真係唔覺有囉，

又話「定時定額」, 成日賣廣告什麼「平均成本法」，

用吓個腦計吓條數都知道搵笨,

所謂定時定額是用電腦到時到候買入，

瘋子都留意到好多時都係高位買入，嘥氣。

低位時又唔見你入貨，月供股票至少可以自己操作控制,

高位時唔供，低位時買多啲,

所以瘋子不會投資基金， 情願月供股票,

自己建立個人的「盈富基金」組合，自己做「基金經理」。

(以上是個人意見， 請獨立思考)