火燎森 20 個忠告

1.      做每件事之前，問一問自己個決定係介意人地點睇自己定係為賺錢？好多人、好多時其實係為前者，但呃自己呃人地話係為賺錢，例如失業後唔係時機上配合而去做生意，如此這般，10年之後你會發現你一直生存但唔知為乜。

2.      我唔讚成做一個乖學生，因為香港教育制度原本只係為英女皇揀選公務員，然後乖乖地打好呢份工。

3.      大部份人有十足實力，落到場只可以洗出兩成，但成功嘅人佢唔洗好天才，亦好可能只有兩分實力，但可以變成七至八分去做任何事，中間分水嶺叫做策略。

4.      中國嘅國寶响人地博物館唔只係因為中國當年腐敗，另一個主要原因係因為當時中國太窮，連保護自己能力都冇，國家窮可以係咁，人窮嘅結果亦唔會好得去邊，點解可以有後生仔話窮Ｄ無所謂？

5.      書係要讀，堂亦要上，大學都要入，但唔好迷信理論。

6.      賺一千萬一定比賺十萬蚊容易，因為你會夠熱情、夠動力去衝，自己賣iphone 4 從來都係諗住做批發日日比貨先達，仲有點樣可以日日出貨100部。

7.      窮國比富國抽水，窮人比有錢人抽水，點解你成日要揀做被人抽水果班人？係，我指係你揀！

8.      目標要訂得比人高，就算meet 唔到target，到時七折再七折你都嬴人地十條街。

9.      吹水有兩種，一種係作大，一種係作細，真正叻人係作細都令你覺得佢作大。

10. 讀書只係令你諗嘢logic Ｄ，學識點樣去學嘢，最多學埋時間分配，係得咁多，其他果Ｄ只係你個人嘅非分之想。

11. 如果君子坦蕩蕩係啱的話，孫柏文就係我唯一認識嘅君子。

12. Ｄ錢越來越唔值錢，有錢人又越來越有錢，點解股市要當三萬點係頂，樓市97價當係癲價?

13. 當中國人要話比全世界人聽，我地民族係最强嘅時候，到時我國經濟一定見頂。

14. 教 授脫離咗學術領域後嘅說話一Ｄ都唔可靠，當年有教授用書本上理論批死我賣舊書生意，結果我還是做了，而且賺了第一桶金； 07年將軍澳呎價得果二千幾，我開始買樓而且叫人入市，我細妹响大學上堂，教授問知唔知邊個係火燎森？佢叫人買樓？知唔知所有經濟理論都分析倒樓市見頂！ 而家跌呢5%就係證據！
結果我三年後物業上的利潤足夠我吃半世，租金上收入亦足夠全家人的開支。

15. 錢係賺唔盡，但唔好懶去賺、怕去賺同埋唔去賺。

16. 記住一鋪養三代。

17. 機會只留給有準備的人。

18.    唔好以為每個月賺幾萬蚊就乜都夠，你要準備養三代人，你同你未來另一半一共四位父母，養你自己同另一半加層樓，再加下一代……………..

19.      成日嘈人工低嘅人係最失敗，因為你冇再去諗方法去賺多Ｄ。

20.      中國一定出現最少一間可以改變全世界嘅企業。投資者應該要尋寶。